ECZEMA

Alergi ingkang Dipunturunaken 

Istilah Eksim (eczema) utawi Desmatitis inggih menika istilah dokter kangge mastani radang kulit inggih menika kulit dados abrit saha gatel. Eksim inggih menika salah satunggaling alergi ingkang dipunturunaken dhateng anak utawi biasanipun putu ananging boten nular dhateng tiyang sanes. Penyebab Eksim antawisipun amargi kulit lembab saha sistem imun (kekebalan tubuh) ingkang kirang. Ananging miturut dokter, penyebab Eksim saben tiyang beda-beda, saged ugi amargi stress utawi kathah pikiran. Gejala eksim ingkang sapisan inggih menika gatel. Gatel ingkang sanget. Gatel menika kadang-kadang saderengipun kulit dados abrit. Lajeng kulit karaos kering saha kandel.

Eksim saged nyerang sedaya tiyang saking lare alit dumugi sepuh, jaler utawi estri. Ananging kangge lare alit, Eksim taksih saged ical mawi umur ingkang langkung nambah. Ananging kangge tiyang dewasa saha sepuh biasanipun Eksim taksih asring kumat sinaosa gatelipun sampun ical. Miturut Dokter Basar, Maguwoharjo, sinaosa gateling Eksim wonten kulit sampun ical, ananging taksih wonten kemungkinan kumat, kumatipun wonten ing perangan awak ingkang sami. Eksim asringipun wonten ing asta saha samparan. Ananging boten kajawi saged ugi wonten ing kulit perangan sanes.

Salah satunggaling pasien Eksim inggih menika Ema, 19 taun, mahasiswa jurusan Pendidikan Basa Jawa Universitas Negeri Yogyakarta. Ema ngendika bilih sampun langkung satunggal taun anggadhahi Eksim. Eksimipun Ema kadose langka amargi arang sanget Eksim ingkang nyerang perangan awah sisih menika, utamanipun kangge masarakat Indonesia. “Eksim kula wonten ing vagina,” cariosipun Ema, “Wiwitan menika kula ngraos gatel sanget. Kula priksa ten klinik, miturut dokter, menika jamur, lajeng dipunparingi obat oles. Dumugi obatipun telas, kula balik ten klinik malih, boten nyangka bilih sampun satunggal taun kepengker kula priksa. Lajeng dipunrujuk ten Dokter Spesialis Kulit & Kelamin, Dokter Satiti ten Apotik Depok. Miturut dokter Satiti, menika Eksim.” Miturut Dokter Satiti, piyambakipun boten saged paring pangobatan menapa-menapa kajawi wonten ewah-ewahan wonten ing kulitipun.

Eksim kadhapuk sakit ingkang parawatanipun susah. Nalika kulit kenging Eksim, lajeng kenging gesekan sekedhik, mila gatelipun langsung karaos sanget saha boten saged dipuntahan. Miturut Dokter Basar, arang sanget piyambakipun mangertosi Eksim wonten ing vagina, biasanipun wonten ing samparan.

Sampundipunserat bilih Eksim menika kelebet jenising alergi. Kathah-kathahipun alergi ingkang wonten ing kulit, ingkang dipunsebabaken dhaharan utawi sanesipun menika saged ical bilih sistem imun dipuntambah. Panambahan sistem imun saged saking olahraga, kathah-kathah ngunjuk toya bening, saha asring dhahar buah. “Dokter kula ngelem kula supados radi seneng bilih Eksim kula saged mari, ananging  kedah nambah sisitem imun kula. Ananging kula taksih parno bilih Eksim kula menika angel marinipun.” Cariosipun Ema sinambi mesem.

Ema wedi kaliyan penyakitipun menika. Piyambakipun taksih nem saha dereng nikah. Eksim ten vagina temtunipun damel Ema parno babagan hubungan seks samangke menawi sampun nikah. Ananging miturut Dokter Satiti Eksim menika boten kanthi minggah wonten ing perawan awak sisih lebet. Kadosta mlebet wonten ing rahim utawi sanesipun. Ema carios malih bilih dokteripun paring panyaruwih supados piyambakipun tes alergi wonten ing rumah sakit. “Menawi asilipun pancen kula anggadhahi alergi awujud Eksim menika, kula kedah nyuwun obat alerginipun kados pundi. Saha kula kedah priksa nalika gatel.”

Eksim ingkang dipunraosaken Ema asring kumat saderengipun saha sasampunipun menstruasi. Ema nate angsal iritasi amargi Eksimipun kumat. “Saderengipun sampun kula cek piyambak. Kadose parah amargi warna abrit saha gatelipun dumugi wingking, kula pun boten pikir malih, langsung ten klinik langganan kula wekdal setengah 11 dalu menika.”

Ema anggadhahi tips piyambak kangge jagi kesehatanipun saha antisipasi nalika Eksimipun kumat.

1.      Beta tisu utawi andhuk alit nemawi tindak-tindak, ten pundi kemawon. Fungsinipun kangge ngelap sasampunipun pipis. Paling efektif beta tisu amargi saged langsung dipunbuwang,

2.      Gantos CD minimal kaping kalih sadinten. Menawi saged ugi beta cadangan CD menawi tindak-tindak. CD boten angsal reged, menawi sampun reged, mila enggal-enggal dipungantos,

3.      Boten gonta-ganti produk kulit, kadosta make-up, pembalut, utawi piranti siram. Utamanipun sabun siram boten angsal ginakaken sabun kesehatan, ph-nipun boten cocok kaliyan kulit ingkang iritasi saha sensitive. Dados, ginakaken sabun kecantikan kemawon,

4.      Kathah-kathah dhahar buah saha asring-asring  ngunjuk toya bening,

5.      Priksa rutin saha waspada gejalanipun,

6.      Rela kelangan  arta saha wekdal ingkang kathah kangge perawatan piyambak.

Tips ingkang kaping pungkasan inggih menika tes alergi, ananging Ema piyambak dereng sempet tes. Ema ugi pengin Eksimipun boten kumat malih. “Mesake bojo kula menawi kula taksih gadhah Eksim ten vagina.”. Ukara pungkasaning Ema negesaken bilih piyambakipun pengin mari kangge masa depanipun.

Jagi kesehatan menika wigati sanget. Boten mirah kangge sehat, mila sedaya wujud perawatan kangge dhiri piyambak kedah wonten. Amargi ingkang paling mangertosi kahananing awak namung kita piyambak. (Fithria Nur Halimah-11205244024)